Министерство за здравство: Досега вакцинирани 41.623 лица на возраст до 14 години со МРП вакцина

Министерството за здравство информира дека сè уште е во тек епидемија на морбили (мали сипаници) на територија на цела држава.

— реклама —

Вкупниот број на вакцинирани лица на возраст до 14 години со МРП вакцина од почетокот на епидемијата во целата република изнесува 41.623.

— реклама —

— реклама —

Од почетокот на епидемијата досега, во Центрите за јавно здравје, дополнително се аплицирани вкупно 6.291 дози на вакцина, од нив повеќе од 60% се здравствени работници, студенти и ученици во средните медицински училишта, останатите се контакти и лица над 14 годишна возраст.

— реклама —

Остануваат на сила претходно препорачаните мерки и активности, кои ги преземаат Центрите за jавно здравје, Институтот за jавно здравје, Министерството за здравство, ДСЗИ и вакциналните служби во пунктовите за вакцинација, со посебен акцент на вакцинација на сите осетливи лица.