Мирјана Митрева постигна голем успех во регионалното музичко натпреварување „Ѕвездите на Гранд“, освојувајќи го второто место во големото финале.
Митрева со своите настапи во текот на целата сезона успеа да ги освои симпатиите на публиката и членовите на жирито, а во финалната вечер уште еднаш го потврди својот вокален квалитет.
Победник на овогодинешното издание на „Ѕвездите на Гранд“ е Бојан Илиевски, чиј ментор беше Ѓорѓе Давид, додека третото место му припадна на Саша Стојаковиќ.
Публиката гласаше од пет земји – Србија, Босна и Херцеговина, Хрватска, Македонија и Црна Гора.
Мирјана Митрева и Бојан Илиевски со својот пласман уште еднаш покажаа дека македонските музички таленти успешно се претставуваат и на регионалната сцена.
