МНАВ испрати демант поврзан со најавата дека нема да се лета од 31 декември до 02 јануари поради протест. Демантот се однесува на Александар Тасевски. Во целост:
„Почитувани,
Во врска со последната изјава од ССКЛ дека УО на М-НАВ Ад Скопје не го почитува Договорот со распишување на огласи за вработување на несуштински кадар Ве известуваме дека се неточни и дека објавените огласи се во согласност со финансискиот план за 2023 година, одобрен од Влада на РСМ и добиена согласност од Министерството за Финансии. Запазени се законските рокови утврдени во законот за работни односи и огласите се со рок за пријавување од 10 дена а не се со рок од 2 дена како што е изнесено во јавноста од страна на претседателот на ССКЛ.
Во однос на изјавата дека Управниот Одбор на М-НАВ АД Скопје објавува огласи за несуштински профили истото категорично го отфрламе како неосновано бидејќи ни се потребни кандидати од професионален,оперативен профил, инженери, техничари и метео персонал, оператор во центар за одобрување на летови, преведувач од македонски на албански јазик што е законска обврска која произлегува од законот за употреба на јазиците. Потребата за деловен асистент во секторот за воздухопловна навигација и самостоен советник-сметководител во одделение за финансии е неопходна. Но оглас за самостоен советник во одделение за човечки ресурси НЕ е објавен.
Овој демант го пишуваме сега и дека ние како сериозна компанија која што се грижи за безбедноста над нашето небо не би сакале понатаму да влегуваме во преписки и дописки со Александар Тасевски кој има деструктивни идеи за нашата компанија и има амбиции да заземе водечка позиција во М-НАВ.
Огласите се јавни и на истите може да се пријават сите кандидати кои ги исполнуваат условите.
Секогаш сме биле коректни и траспаренти и Ви стоиме на располагање за било која НОРМАЛНА И РЕАЛНА ИНФОРМАЦИЈА, А НЕ СО ЛАГИ И КЛЕВЕТИ.
УО на М-НАВ АД Скопје“
