Мопедист со тешки повреди по судир со автомобил во Скопје

Дваесет и едногодишен мопедист се здобил со тешки телесни повреди во сообраќајна несреќа што се случила на улицата „Адем Демачи“ во Скопје, соопшти Министерството за внатрешни работи.

— реклама —

Според информациите, несреќата се случила на 20 јули околу 16:15 часот, при судир меѓу патничко возило „Форд Фокус“ со скопски регистарски ознаки, управувано од Ф.И. (59) од Скопје, и мопед управуван од Ќ.Д. (21) од Скопје.

— реклама —

— реклама —

Во несреќата мопедистот се здобил со тешки телесни повреди, кои биле констатирани во Јавната здравствена установа „Св. Наум Охридски“ во Скопје.

— реклама —

Увид на местото на несреќата извршила увидна екипа на СВР Скопје.