35-годишен скопјанец е тешко повреден во сообраќајна несреќа што се случила на улицата „Перо Наков“ во Скопје.
Од МВР информираат дека несреќата била пријавена на 6 септември околу 16 часот. Во неа учествувале патничко возило „Сеат Леон“ со скопски регистарски ознаки, управувано од 26-годишниот А.Д. од селото Ржаничино, и мопед со скопски регистарски ознаки, управуван од 35-годишниот Ш.Ќ. од Скопје.
Во судирот тешко повреден бил возачот на мопедот, кому повредите му биле констатирани во ЈЗУ „Св. Наум Охридски“ во Скопје.
Увид на местото извршила увидна екипа на СВР Скопје.
