Мопедист тешко повреден во судир со автомобил во Скопје

Во сообраќајна несреќа што се случила вчера наутро на крстосницата меѓу улиците „Благоја Стефковски“ и „Методија Андонов Ченто“ во Скопје, тешко е повреден 49-годишен маж кој управувал мопед.

— реклама —

— реклама —

Според информациите од МВР, несреќата била пријавена на 19 октомври во 7:30 часот, а во неа учествувале автомобил „фолксваген голф“, управуван од 51-годишниот Р.А. од Скопје, и мопед со штипски регистарски ознаки, управуван од С.М. од радовишкото село Јаргулица.

— реклама —

Возачот на мопедот се здобил со тешки телесни повреди, кои биле констатирани во Комплексот клиники „Мајка Тереза“ во Скопје. Увид на местото на несреќата извршила екипа на СВР Скопје.