Москва и Пекинг најавија продлабочување на стратешките односи

Во Пекинг започна билатералната средба меѓу рускиот претседател Владимир Путин и кинескиот претседател Си Џинпинг.

— реклама —

Рускиот лидер оцени дека партнерството меѓу двете држави претставува пример за соработка и истакна дека Москва има намера дополнително да ги развива односите со Пекинг.

— реклама —

„Нашето партнерство е пример за меѓудржавна соработка“, изјави Путин на почетокот на разговорите.

Кинескиот претседател Си Џинпинг, пак, порача дека односите меѓу Кина и Русија влегле во „нова фаза на поголем напредок и побрз развој“.

— реклама —

Тој нагласи дека меѓусебната доверба меѓу двете земји дополнително се зацврстува.

— реклама —

Средбата се одржува во рамки на дводневната посета на Владимир Путин на Кина, за време на која двајцата лидери треба да разговараат за продлабочување на економската, енергетската и политичката соработка, како и за актуелните глобални прашања.