Москва испрати порака до новите власти во Србија: Сакаме да ја продолжиме соработката

Русија се надева дека новото политичко раководство во Србија ќе продолжи да негува конструктивни односи со Москва, изјави портпаролот на Кремљ, Дмитриј Песков, осврнувајќи се на изборните резултати во Србија.

— реклама —

Според Песков, соработката со Русија е во интерес на Србија и може да ѝ донесе придобивки на земјата. Тој посочи дека Москва останува посветена на унапредувањето на односите со Белград и покрај промените на политичката сцена.

— реклама —

„Ќе продолжиме да ги вложуваме сите напори за развој на односите со Белград, но, како што знаете, за танго се потребни двајца“, изјави Песков, пренесе „Спутник“.

— реклама —

Говорејќи за изборниот пораз на Александар Вучиќ, портпаролот на рускиот претседател Владимир Путин истакна дека Кремљ го цени неговиот придонес во градењето на односите меѓу Србија и Русија.

Песков рече дека Москва ги следи изборните резултати и изрази надеж дека Вучиќ ќе продолжи да придонесува за соработката меѓу двете земји, дури и доколку ја продолжи политичката кариера од опозициските редови.