Москва со порака до Балтикот: Отворање на небото за украински дронови значи вклучување во конфликт

Русија ги предупреди балтичките држави дека би можеле да се соочат со последици ако им дозволат на украинските беспилотни летала да го користат нивниот воздушен простор за напад врз руска територија, објави британскиот весник „Тајмс“.

— реклама —

Според весникот, Москва им соопштила на земјите-членки на НАТО во балтичкиот регион дека таков потег би можел да се протолкува како директно вклучување во конфликтот.

— реклама —

Еден ден претходно, рускиот политиколог Сергеј Станкевич оцени дека евентуалното отворање на воздушниот простор на балтичките земји за украински беспилотни летала би значело нивно влегување во воен конфликт со Русија.

— реклама —

Инаку,  сдпоред телеграм каналот Меш на 26 март, Литванија, Естонија и Латвија наводно им дозволиле на украинските беспилотни летала да го користат нивниот воздушен простор. Сепак, латвиското Министерство за одбрана соопшти дека балтичките држави не учествувале во планирањето или организирањето на нападите врз руска територија.

— реклама —

Портпаролот на Кремљ, Дмитриј Песков, претходно изјави дека Киев се обидува да го искористи потенцијалот на земјите од НАТО во своја корист, што укажува на можноста за ширење на конфликтот.