Мотоцикл удрил во дива свиња кај Гевгелија, тешко повредени возачот и сопатничката

Возач на мотоцикл и неговата сопатничка се здобиле со тешки телесни повреди во сообраќајна несреќа што се случила на регионалниот пат кај Гевгелија, откако во мотоциклот удрила дива свиња, соопшти Министерството за внатрешни работи.

— реклама —

Несреќата била пријавена на 10 октомври во ОВР Гевгелија, а се случила околу 21:20 часот, на делницата меѓу крстосницата за селото Ѓавато и крстосницата за селото Богородица.

— реклама —

Според пријавеното, мотоцикл „БМВ“ со гевгелиски регистарски ознаки, управуван од Н.Р. (32) од Гевгелија, удрил во дива свиња што ненадејно излегла на патот.

— реклама —

Во несреќата, возачот и неговата сопатничка В.Р. (30), исто така од Гевгелија, се здобиле со тешки телесни повреди, кои биле констатирани во Медицинскиот центар во Гевгелија.

— реклама —

Увид на местото на несреќата извршила екипа на Полициската станица Гевгелија.