Мотоциклист и негов сопатник тешко повредени во судир со „цитроен“ во Скопје

Две лица се здобиле со тешки телесни повреди, а уште две со полесни повреди во сообраќајна несреќа што се случила на улицата „Христијан Тодоровски Карпош“ во Скопје.

— реклама —

Како што информира Министерството за внатрешни работи, несреќата била пријавена на 5 август во 13:30 часот, а во неа учествувале патничко возило „цитроен“ со скопски регистарски ознаки, управувано од 29-годишната А.Б.М., и мотоцикл „хонда“, кој го управувал 24-годишниот Е.А., двајцата од Скопје.

— реклама —

Во судирот, со тешки телесни повреди се здобиле мотоциклистот и неговиот 23-годишен сопатник Р.И. од Скопје. Со телесни повреди се здобиле и возачката на автомобилот, како и нејзината малолетна сопатничка.

— реклама —

Повредите биле констатирани во Ургентниот центар при Комплексот клиники „Мајка Тереза“ и во Градската општа болница „Св. Наум Охридски“ во Скопје.

— реклама —

Увид на местото на несреќата извршила увидна екипа од СВР Скопје.