Мотоциклист со 1,70 промили алкохол излетал од патот кај Прилеп

Педесет и четиригодишен мотоциклист од прилепското село Крушеани се здобил со тешки телесни повреди откако изгубил контрола над мотоциклот и излетал од патот.

— реклама —

Како што информира Министерството за внатрешни работи, несреќата била пријавена на 23 јули во 3:30 часот. Според пријавата, Г.М. (54) управувал мотоцикл без регистарски ознаки кога изгубил контрола и излетал од коловозот.

— реклама —

Повредите му биле констатирани во Општата болница во Прилеп.

— реклама —

По наредба на јавен обвинител, увид извршила екипа на ОВР Прилеп, при што било утврдено дека возачот бил под дејство на алкохол, односно имал 1,70 промили алкохол во крвта.

— реклама —

Од МВР соопштија дека по целосното документирање на случајот ќе биде поднесена соодветна пријава.