Педесет и четиригодишен мотоциклист од прилепското село Крушеани се здобил со тешки телесни повреди откако изгубил контрола над мотоциклот и излетал од патот.
Како што информира Министерството за внатрешни работи, несреќата била пријавена на 23 јули во 3:30 часот. Според пријавата, Г.М. (54) управувал мотоцикл без регистарски ознаки кога изгубил контрола и излетал од коловозот.
Повредите му биле констатирани во Општата болница во Прилеп.
По наредба на јавен обвинител, увид извршила екипа на ОВР Прилеп, при што било утврдено дека возачот бил под дејство на алкохол, односно имал 1,70 промили алкохол во крвта.
Од МВР соопштија дека по целосното документирање на случајот ќе биде поднесена соодветна пријава.
