Мотоциклист тешко повреден кај Тетово: Изгубил контрола и излетал од патот

46-годишен жител на Фалише се здобил со тешки телесни повреди во сообраќајна несреќа на локалниот пат меѓу Тетово и Стримница.

— реклама —

Од МВР информираат дека несреќата била пријавена на 14 септември во 14:30 часот во СВР Тетово. Според пријавеното, А.Н. (46) од село Фалише управувал мотоцикл со тетовски регистарски ознаки, кога изгубил контрола над возилото и излетал од патот.

— реклама —

— реклама —

Во несреќата мотоциклистот се здобил со тешки телесни повреди, кои биле констатирани во Клиничката болница во Тетово.

— реклама —

Увид на местото на несреќата извршила увидна екипа на СВР Тетово.