Мотоциклист тешко повреден откако излетал од патот кај Ростуше

42-годишен скопјанец е тешко повреден откако со мотоцикл излетал од коловозот на регионалниот пат Мавровска Крстосница–Дебар, во близина на Ростуше.

Од МВР информираат дека несреќата била пријавена на 6 септември во 10 часот во ОВР Гостивар. Според пријавеното, М.П. од Скопје управувал мотоцикл „Дукати“ со скопски регистарски ознаки кога, во местото викано „Ростушки Вител“ во селото Ростуше, излетал од патот.

— реклама —

Мотоциклистот се здобил со тешки телесни повреди, кои биле констатирани во Здравствениот дом во Ростуше.

— реклама —

Увид на местото извршила увидна екипа на ОВР Гостивар.