Четириесет и тригодишен мотоциклист е тешко повреден во сообраќајна несреќа што се случила на булеварот „Александар Македонски“ во Скопје.
Од МВР информираат дека несреќата била пријавена на 3 септември во 12 часот, а во неа учествувале патничко возило „опел“ со светиниколски регистарски ознаки, управувано од 48-годишниот А.С. од Свети Николе, и мотоцикл со германски национални ознаки, управуван од 43-годишниот О.Б. од Скопје, со престој во Бугарија.
Во несреќата тешко бил повреден мотоциклистот, а повредите биле констатирани во Ургентниот центар при Комплексот клиники „Мајка Тереза“ во Скопје.
На местото на несреќата бил извршен увид од увидна екипа на СВР Скопје.
