Мотоциклист од битолското село Кравари се здобил со тешки телесни повреди во сообраќајна несреќа што се случила вчера во Битола.
Според информациите од МВР, несреќата била пријавена на 12 септември во 12:23 часот, на крстосницата на улиците „Солунска“, „Димо Хаџи-Попов“ и „Михајло Бојаџиев“. Во несреќата учествувале патничко возило „Мерцедес“, со битолски регистарски ознаки, управувано од 26-годишниот Д. Ќ. од Битола, и мотоцикл со битолски регистарски ознаки, управуван од 22-годишниот Т. Л. од село Кравари.
По несреќата, мотоциклистот бил пренесен во Клиничката болница во Битола, каде што лекар констатирал тешки телесни повреди.
Увид на местото извршила екипа за увид на СВР Битола.
