Мотоциклист е тешко повреден во сообраќајна несреќа што се случила синоќа на крстосницата на булеварот „АСНОМ“ и сервисните улици што водат кон хотелот „Хилтон“ во Скопје, информира МВР.
Несреќата била пријавена околу 20:10 часот, а во неа учествувале патничко возило „пежо“, управувано од 43-годишната В.М. од Скопје, мотоцикл „хонда“, управуван од 26-годишниот Д.М. од Скопје, и „фиат пунто“, управуван од 40-годишниот А.Б. од скопското село Љубин.
Во несреќата мотоциклистот се здобил со тешки телесни повреди. Со телесни повреди се здобиле и возачката на „пежо“ и 38-годишната И.Ц. од Скопје, која била сопатничка во „фиат пунто“.
Повредените биле пренесени на медицинска помош, при што повредите биле констатирани во ЈЗУ „Св. Наум Охридски“ и во Ургентниот центар при комплексот клиники „Мајка Тереза“ во Скопје.
На местото на несреќата увид извршила увидна екипа на СВР Скопје.
