Мотоциклист тешко повреден во судир со „голф“ во Делчево

Триесет и осумгодишен жител на селото Турија се здобил со тешки телесни повреди во сообраќајна несреќа што се случила на улицата „Маршал Тито“ во Делчево.

— реклама —

Според информациите од Министерството за внатрешни работи, несреќата била пријавена на 7 октомври околу 21 часот во Одделението за внатрешни работи Делчево. Во неа учествувале мопед, управуван од Г.Ц. (38) од Турија, и патничко возило „фолксваген голф“ со делчевски регистарски ознаки, управувано од 23-годишниот М.М. од Делчево.

— реклама —

— реклама —

Во судирот тешко бил повреден возачот на мопедот. Повредите биле констатирани во Итната медицинска помош во Делчево.

Увид на местото на несреќата извршила екипа на ОВР Делчево.