Тешка сообраќајна несреќа се случила синоќа на улицата „Филип Втори“ во Свети Николе, во која тешко е повреден мотоциклист, а неговата сопатничка се здобила со телесни повреди.
Според информациите од Министерството за внатрешни работи, несреќата била пријавена на 20 август во 22:31 часот, а учествувале патничко возило „пежо“, управувано од 68-годишен жител на Свети Николе, и мотоцикл „хонда“, со кој управувал 30-годишен жител на селото Преод.
Возачот на мотоциклот се здобил со тешки телесни повреди, додека неговата 22-годишна сопатничка од Свети Николе била повредена. Повредите кај двајцата биле констатирани во болницата во Штип.
Полициски екипи од ОВР Свети Николе извршиле увид на местото на несреќата. При увидот било утврдено дека возачот на „пежото“ бил под дејство на алкохол, при што му биле измерени 1,19 промили алкохол во крвта.
Од МВР информираат дека по целосното документирање на случајот ќе следува соодветна пријава.
