Тешко е повреден 39-годишен мотоциклист во сообраќајна несреќа што се случила вчера попладне на крстосницата меѓу улиците „Митрополит Теодосиј Гологанов“ и „Ленинова“ во Скопје.
Според информациите од МВР, во несреќата учествувале патничко возило „рено“, управувано од 39-годишен скопјанец, и мотоцикл „јамаха“, управуван од 39-годишен мотоциклист од Скопје.
Мотоциклистот се здобил со тешки телесни повреди, кои биле констатирани во Ургентниот центар при комплексот клиники „Мајка Тереза“.
На местото на несреќата бил извршен увид од увидна екипа на СВР Скопје.
