Мотоциклист од Скопје се здобил со тешки телесни повреди во сообраќајна несреќа што се случила на автопатот А1, во близина на Граничниот премин Богородица, информира Министерството за внатрешни работи.
Според МВР, несреќата била пријавена на 1 август во 08:05 часот, а во неа учествувале мотоцикл „бмв“ со скопски регистарски ознаки, управуван од С.З. (57) од Скопје, патничко возило „пасат“ со српски регистарски ознаки, управувано од С.М. (44) од Србија и патничко возило „шкода октавија“, управувано од А.Д.К. (43) од Романија.
Во несреќата со тешки телесни повреди се здобил мотоциклистот, кои биле констатирани во Медицинскиот центар во Гевгелија.
Увид на местото на несреќата извршила екипа на Полициската станица Гевгелија.
