Дваесет и шестгодишен мотоциклист се здобил со тешки телесни повреди во сообраќајна несреќа што се случила на регионалниот пат Крушево – Прилеп.
Според информациите од СВР Битола, несреќата била пријавена на 12 јули во 16:26 часот, кај местото викано „Двојна кривина“. Во судирот учествувале патничко возило „форд“ со прилепски регистарски ознаки, управувано од Р.Т. (61) од селото Житоше, Општина Долнени, и мотоцикл „хамачи“ без регистарски ознаки, управуван од М.Б. (26), исто така од селото Житоше.
Повредениот мотоциклист со возило на Итната медицинска помош од Крушево бил пренесен во Градската општа болница во Прилеп, каде лекарите му констатирале тешки телесни повреди.
Увид на местото на несреќата извршила увидна екипа од ОВР Крушево.
