Мотоциклист заврши со тешки повреди по судир со автомобил во Бардовци

Мотоциклист се здобил со тешки телесни повреди во сообраќајна несреќа што се случила вчера во скопската населба Бардовци.

Според информациите од Министерството за внатрешни работи, на 29 јуни во 13:40 часот во СВР Скопје било пријавено дека во населбата Бардовци се случила сообраќајна несреќа помеѓу патничко возило „Тојота“ со скопски регистарски ознаки, управувано од И.Х. (34) од Скопје и мотоцикл со скопски регистарски ознаки, управуван од С.Ѓ. (59) од Скопје.

— реклама —

— реклама —

Во несреќата, мотоциклистот се здобил со тешки телесни повреди, кои биле констатирани во Ургентниот центар при Комплексот клиники „Мајка Тереза“ во Скопје.

— реклама —

Увид на местото на несреќата извршила увидна екипа на СВР Скопје.