Двајца млади мажи се здобиле со тешки телесни повреди откако мотоцикл излетал од патот на делницата од селото Истибања кон браната Калиманци.
Според МВР, несреќата се случила вчера околу 11:40 часот, на местото викано „Драка“. Мотоциклот со делчевски регистарски ознаки го управувал 18-годишниот О.Ш. од Делчево, а со него бил и 24-годишниот Ѓ.Е. од селото Тработивиште.
Двајцата биле пренесени во Општата болница во Кочани, каде што им биле констатирани тешки телесни повреди.
За случајот бил известен јавен обвинител од Основното јавно обвинителство Кочани, а увид на местото извршила увидна екипа од ОВР Виница.
