Мотоциклист со тешки повреди по судир на четири возила во Скопје

На улицата Ќемал Сејфула во Скопје вчера претпладне се случила сообраќајна несреќа во која тешко е повреден 24-годишен мотоциклист.

— реклама —

Како што соопшти Министерство за внатрешни работи, несреќата била пријавена на 25 мај во 11:55 часот во СВР Скопје.

— реклама —

Во несреќата учествувале патничко возило „киа“ управувано од 45-годишната В.Х.М., мотоцикл „хонда“ управуван од С.С.(24), патничко возило „мерцедес“ управувано од Н.Х.(53) и уште едно возило „мерцедес“, кое било запрено од С.А.(65), сите од Скопје.

— реклама —

Мотоциклистот се здобил со тешки телесни повреди, констатирани во Комплекс клиники „Мајка Тереза“.

Увид на местото извршила увидна екипа од СВР Скопје.