Моторциклист тешко повреден во судир со автомобил кај „Св. Стефан“ во Охрид

Шеесет и тригодишен моторциклист од струшкото село Октиси е тешко повреден во сообраќајна несреќа што се случила на регионалниот пат Охрид – Свети Наум, соопшти Министерството за внатрешни работи.

— реклама —

Според информациите, несреќата се случила на 2 август околу 16:15 часот, кај крстосницата за туристичката населба „Св. Стефан“. Во судирот учествувале моторцикл управуван од И.А. (63), автомобил „Цитроен“ со скопски регистарски ознаки, кој го управувал К.С. (44) од Скопје, како и паркиран автомобил „Рено“ со охридски регистарски ознаки, сопственост на Ф.А. (52) од Охрид.

— реклама —

— реклама —

Во незгодата моторциклистот се здобил со тешки телесни повреди, кои биле констатирани во Специјалната болница „Св. Еразмо“ во Охрид.

— реклама —

Полициски екипи извршиле увид на местото на несреќата, а се преземаат мерки за целосно расчистување на околностите под кои се случила сообраќајната незгода.