Седумдесетгодишен скопјанец пријавил дека бил измамен за 720.000 денари откако лице му побарало пари под изговор дека му се потребни за лекување на неговиот син во странство, информира Министерството за внатрешни работи.
Случајот бил пријавен на 5 септември во 18 часот во СВР Скопје. Според пријавеното, во периодот од 18 јануари до крајот на февруари 2026 година, лицето А. „Н“ во повеќе наврати побарало пари од 70-годишникот.
Како што е наведено во пријавата, парите најпрво биле побарани со образложение дека се потребни за лекување на синот во странство, а потоа биле побарани дополнителни средства за наводно регулирање на долг за вода.
Вкупната сума за која 70-годишникот пријавил дека бил измамен изнесува 720.000 денари.
Од МВР информираат дека се преземаат мерки за расчистување и целосно документирање на случајот.
