Му го предал „голфот“, но парите не ги добил: Тетовец измамен за 6.000 евра при продажба на автомобил

49-годишен жител на Тетово пријавил дека бил измамен за 6.000 евра при договорена продажба на патничко возило „фолксваген голф“.

— реклама —

Според информациите од Министерството за внатрешни работи, пријавата била поднесена на 1 ноември 2026 година во СВР Тетово. Пријавителот навел дека на 18 септември склучил писмен договор за купопродажба на возилото со М. О. (41) од тетовското село Милетино.

— реклама —

— реклама —

Сепак, според пријавеното, купувачот не ја исплатил договорената сума ниту го вратил возилото во предвидениот рок.

— реклама —

Од МВР информираат дека се преземаат мерки за целосно расчистување и документирање на случајот.