Полициски службеници од СВР Тетово го лишиле од слобода 39-годишниот Л.А. од селото Теарце, кој се сомничи дека одзел патничко возило во Џепчиште.
Според МВР, на 21 август осомничениот наводно го одзел автомобилот „Рено клио“ со тетовски регистарски ознаки, сопственост на 37-годишниот Б.В. од Џепчиште. Возилото било одземено пред домот на сопственикот.
Л.А. бил лишен од слобода на 23 август во 14:00 часот од страна на полициски службеници од СВР Тетово.
Украденото возило било пронајдено и вратено на сопственикот. По целосното расчистување и документирање на случајот, против осомничениот ќе следува соодветен поднесок.
