Му побарале 300.000 денари за да ѝ ги покажат на сопругата на еден од измамниците, а како гаранција му оставиле чанта со наводни 10.000 евра – која била празна

Двајца жители на Велес се пријавени за измама откако, според МВР, во Струга довеле во заблуда 88-годишен маж и му одзеле 300.000 денари.

— реклама —

Надворешната канцеларија за криминалистички работи Струга поднела кривична пријава против А.С.(67) и Д.С.(42), поради постоење основи на сомнение за сторено кривично дело „измама“ по член 247 од Кривичниот законик.

— реклама —

Случајот се случил на 6 август во Струга. Според пријавата, двајцата побарале од 88-годишникот да им донесе 300.000 денари, со образложение дека треба да ја види сопругата на едниот од нив, која била од странска земја, а за возврат ќе добие награда.

— реклама —

Мажот им ги донел парите и им ги предал, а како гаранција двајцата му дале чанта, тврдејќи дека во неа има околу 10.000 евра.

Откако пријавените заминале и не се вратиле во рок од половина час, оштетениот се упатил дома. Кога ја отворил чантата, утврдил дека во неа нема пари и сфатил дека бил измамен.