Скопската полиција презема мерки за расчистување на разбојништво што се случило во скопската општина Центар, при кое едно лице останало без парите што штотуку ги подигнало од банкомат.
Според информациите од Министерството за внатрешни работи, на 6 август во 18:00 часот, С.С. (35) од Скопје пријавил дека околу 17:00 часот побарал помош од непознат маж за да подигне пари од банкомат.
Откако успеале да ги извадат парите, непознатиот со употреба на сила му ги одзел и побегнал од местото.
Од МВР информираат дека се преземаат мерки за пронаоѓање на сторителот и целосно расчистување на случајот.
