Му ветил социјален надоместок и му зел 400 евра – измамен 74-годишник од Тетовско

Седумдесет и четиригодишен жител на тетовско село пријавил дека бил измамен за 400 евра од лице кое му ветило дека ќе му помогне да оствари право на паричен надоместок за помош и нега од друго лице.

— реклама —

Според пријавата во СВР Тетово, во февруари 2026 година, Ш.А. од селото Доброште му понудил посредување за добивање на надоместокот преку Центарот за социјални работи Тетово, за што му наплатил 400 евра.

— реклама —

— реклама —

Откако со месеци не добил никаков одговор, ниту парите му биле вратени, 74-годишникот сфатил дека бил измамен и случајот го пријавил во полиција на 5 ноември.

— реклама —

Од МВР информираат дека се преземаат мерки за целосно расчистување на случајот.