Мухамед Зекири осуден на една година и седум месеци затвор за злоупотреба на службената положба

Поранешниот генерален секретар на Владата, Мухамед Зекири, е осуден на една година и седум месеци затвор за злоупотреба на службената положба и овластување, соопштија од Апелацискиот суд Скопје.

— реклама —

Од Судот информираат дека по разгледувањето на предметот, жалбите, предлогот на Вишото јавно обвинителство Скопје и доказите изведени на јавната расправа на 30 септември 2026 година, утврдиле дека Зекири склучувал договори за консултантски услуги поврзани со анализа на состојбите и можностите за приватизација на „Македонска пошта“ и „Македонски железници“, без спроведување соодветна постапка за јавна набавка.

— реклама —

— реклама —

Одлуката сè уште не е правосилна. Зекири има право да поднесе жалба до Врховниот суд во рок од осум дена од приемот на одлуката.

Писмената изработка на пресудата е во тек, а нејзината целосна содржина ќе биде објавена на веб-страницата на Апелацискиот суд, согласно законските одредби.