МВР и Фондот за здравствено осигурување: Надминат е проблемот со здравственото осигурување на вработените

Проблемот со здравственото осигурување на вработените во Министерството за внатрешни работи е надминат, а припадниците на МВР повторно непречено можат да ги користат здравствените услуги, информираат МВР и Фондот за здравствено осигурување.

— реклама —

Во текот на денот, двете институции биле во континуирана координација, заедно со Управата за јавни приходи, при што биле преземени активности за утврдување и отстранување на причините поради кои привремено беше оневозможено остварувањето на правата од здравственото осигурување.

— реклама —

— реклама —

По преземените мерки, состојбата е нормализирана и вработените во МВР повторно можат непречено да ги користат правата од здравственото осигурување.

МВР и Фондот за здравствено осигурување најавуваат дека ќе продолжат со координирани активности за изнаоѓање системско решение, со цел во иднина да се обезбеди непречено функционирање на здравственото осигурување и навремено остварување на правата на сите вработени.