МВР: Кај Љубаништа, „Task Force“ приведе 43-годишен прилепчанец со повеќе пакувања марихуана

Полициски службеници од мобилниот тим „Task Force“ при Регионалниот центар за гранични работи Запад – Охрид вчера вечерта привеле 43-годишен прилепчанец, откако кај него биле пронајдени повеќе пакувања со марихуана и една сина таблета.

Според информациите од Министерството за внатрешни работи, акцијата била спроведена на 12 септември во 22:20 часот, во близина на автокампот „Љубаништа“.

— реклама —

Во рамки на мерките за спречување недозволена трговија со дрога, полициските службеници извршиле контрола и преглед на А.Ш. (43) од Прилеп.

— реклама —

„При извршениот преглед кај лицето биле пронајдени повеќе пакувања со марихуана, како и една сина таблета“, соопшти МВР.

А.Ш. бил лишен од слобода, а за случајот бил известен јавен обвинител од Основното јавно обвинителство Охрид.

— реклама —

По целосното документирање на случајот, против него ќе биде поднесена соодветна пријава.

— реклама —