МВР лиши од слобода 14 возачи, 12 од нив возеле без возачка дозвола

Четиринаесет возачи биле лишени од слобода, а со уште еден бил извршен службен разговор во текот на изминатото деноноќие, поради сомнение за сторено кривично дело „безобѕирно управување возило“, соопшти Министерството за внатрешни работи.

— реклама —

Според МВР, 12 од возачите управувале возило без положен возачки испит. Меѓу нив имало и малолетници на возраст од 14 и 17 години. Полицијата лишила од слобода и 21-годишна девојка од селото Студеничани, скопско, како и лица од Скопје, Тетово, Струга, Куманово и други места.

— реклама —

Со 16-годишник од тетовско бил извршен службен разговор во присуство на родител, бидејќи управувал патничко возило без возачка дозвола.

Полицијата утврдила и дека А.П. (23) од Скопје и С.М. (28) од Делчево управувале возило и покрај активната забрана за управување. Б.М. (32) од селото Мршевци, скопско, бил затекнат како вози под дејство на алкохол.

— реклама —

Од МВР информираат дека по целосното документирање на случаите ќе бидат поднесени соодветни кривични пријави.

— реклама —

Министерството апелира до сите учесници во сообраќајот да ги почитуваат правилата и прописите, да не управуваат возило без положен возачки испит, со активна забрана или под дејство на алкохол.