МВР приведе 10 возачи, седуммина возеле без возачка дозвола

Десет возачи биле лишени од слобода во изминатото деноноќие на различни локации низ државата поради сомнение за сторено кривично дело „безобѕирно управување со моторно возило“, согласно член 297-а од Кривичниот законик.

— реклама —

Според МВР, седуммина од нив управувале возило без положен возачки испит. Станува збор за Д.А. (41), Ш.Џ. (23), 20-годишната Е.Љ. и 16-годишник, сите од Скопје, Ф.И. (45) и С.К. (56) од скопско, како и С.Х. (44) од Тетово.

— реклама —

Други двајца возачи, Б.Д. (45) од Велес и С.Б. (25) од Гостивар, управувале возило и покрај активната забрана за возење, додека Т.Н. (37) од Гостивар бил затекнат како вози под дејство на алкохол.

— реклама —

Од МВР информираат дека по целосното документирање на случаите ќе бидат поднесени соодветни кривични пријави.

Од полицијата апелираат до сите учесници во сообраќајот да ги почитуваат правилата и прописите, да не управуваат возило без положен возачки испит, со активна забрана за возење или под дејство на алкохол, со цел заеднички да придонесат за поголема безбедност на патиштата.