МВР приведе девет возачи кои возеле без возачка дозвола

Министерство за внатрешни работи информира дека во текот на изминатото деноноќие на територијата на државата биле лишени од слобода девет возачи поради безобѕирно управување возило, при што сите управувале без возачка дозвола.

— реклама —

Според МВР, четворица возачи биле приведени во Скопје, двајца во Струга, двајца во Битола и еден во Прилеп.

— реклама —

— реклама —

Од полицијата посочуваат дека по целосно документирање на случаите ќе бидат поднесени соодветни кривични пријави.

— реклама —

Од Министерство за внатрешни работи апелираат до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит, доколку имаат забрана за управување или ако се под дејство на алкохол, со цел заеднички да се придонесе за побезбеден сообраќај.