МВР санкционира 43 возачи на товарни возила во Скопје, седум поради неисправни светла

Во засилена сообраќајна контрола спроведена во Скопје, полицијата санкционирала 43 возачи на товарни моторни возила поради различни прекршоци.

— реклама —

Контролата била извршена на 5 ноември, во периодот од 9 до 16 часот, од страна на Одделението за безбедност на патниот сообраќај при СВР Скопје. Акцијата била насочена кон откривање неправилности при превозот на товар, меѓу кои претовар, неправилно сместен товар и техничка неисправност на возилата.

— реклама —

Од вкупно 43 санкции, седум биле изречени за неисправни светлосни уреди, девет за неизложени знаци за ограничување на брзината, шест за неносење соодветна опрема и две за претовар на товар. Една санкција била изречена за технички неисправно возило поради неисправен уред за запирање, а една за управување товарно возило со несоодветна категорија.

— реклама —

Полицијата регистрирала и еден случај на незастанување на знак за запирање даден од униформиран полициски службеник, како и уште 16 други прекршоци.

— реклама —

Од МВР најавуваат дека сообраќајните контроли ќе продолжат и во наредните денови, а упатија апел до сите учесници во сообраќајот да ги почитуваат правилата и прописите за поголема безбедност на патиштата.