Деветнаесетгодишен мотоциклист загина во тешката сообраќајна несреќа што денеска околу пладне се случи на улицата „Радишанска“ во Скопје.
Од Министерството за внатрешни работи соопштија дека несреќата била пријавена во 12:12 часот, а во неа учествувале патничко возило „алфа ромео“ со италијански регистарски ознаки, управувано од С.Б. (46), и мотоцикл без регистарски ознаки, кој го управувал Н.М. (19) од скопско.
„Возачот на мотоциклот починал на местото на настанот“, соопштија од МВР.
Полициски екипи извршија увид на местото на несреќата, по што ќе бидат утврдени причините и околностите под кои дошло до судирот.
