МВР уапси 12 возачи за безобѕирно управување, десетмина возеле без возачка дозвола

Во текот на изминатото деноноќие, полициски службеници на различни локации низ државата лишиле од слобода 12 возачи поради сомнение за сторено кривично дело „безобѕирно управување возило“, согласно член 297-а од Кривичниот законик.

— реклама —

Според Министерството за внатрешни работи, десетмина од нив управувале возила без положен возачки испит. Меѓу нив се лица од Скопје, Гостивар, гостиварското село Чегране, Битола и Велес, а меѓу осомничените има и двајца 16-годишници.

— реклама —

Дополнително, полицијата го лишила од слобода И.А. (47) од Скопје, кој управувал возило под дејство на алкохол, како и А.Ќ. (37) од Македонски Брод, кој возел и покрај активната забрана за управување со возило.

— реклама —

Од МВР информираат дека по целосното документирање на случаите ќе бидат поднесени соодветни кривични пријави.

— реклама —

Полицијата апелира до сите учесници во сообраќајот да ги почитуваат правилата и прописите, да не управуваат возило без положен возачки испит, под дејство на алкохол или за време на изречена забрана за управување.