МВР за пет часа казни 221 пешак, санкционирани и 179 возачи

Во засилена сообраќајна контрола спроведена низ Македонија, полицијата за пет часа санкционирала 221 прекршок на пешаци и возачи во однос на пешаците, соопшти Министерството за внатрешни работи.

— реклама —

Контролата била спроведена на 11 ноември, во периодот од 8 до 13 часот, при што биле регистрирани 147 случаи на небезбедно преминување на коловозот надвор од обележан пешачки премин. Санкции добиле и 25 возачи кои не им отстапиле првенство на пешаците на обележан пешачки премин.

— реклама —

Дополнително, полицијата казнила уште 179 возачи за други сообраќајни прекршоци.

— реклама —

Од МВР најавуваат дека контролите ќе продолжат и во наредниот период, а апелираат до пешаците да го преминуваат коловозот исклучиво на обележани премини, додека возачите да ја приспособат брзината и да им овозможат безбедно преминување.

— реклама —

Од Министерството потсетуваат дека безбедноста на пешаците е заедничка одговорност на сите учесници во сообраќајот.