МВР: Жената со коронавирус не е влезена пред неколку дена туку вчера изутрината

Министерството за внатрешни работи најостро ги демантира дезинформациите објавени од порталот Вечер дека жената кај која е утврдено присуство на корона вирус пред неколку дена била дојдена од Италија.

— реклама —

“МВР ја информира јавноста дека жената влегла во Република Северна Македонија вчера (26.2.2020) во 02.33 часот на Граничниот премин Табановце, а остварен е контакт и со граничните полиции на Србија и Хрватска, од каде е потврдена рутата и тајмингот на движење”, велат оттаму.

— реклама —

— реклама —

 МВР апелира до медиумите да не пласираат дезинформации кои создаваат вознемиреност кај граѓаните.

“Ги повикуваме и новинарските здруженија да преземат соодветни активности за да се спречат ваквите злоупотреби кои како крајна цел имаат создавање на паника меѓу граѓаните”, додаваат од МВР. 

— реклама —