На 72-годишна возраст во Скопје почина Исмаил Бојда, почесен претседател на Сојузот на Македонците со исламска религија (СМИР).
Веста ја соопшти претседателот на СМИР, Љатиф Пајкоски, кој изрази сочувство до семејството и истакна дека заедницата изгубила голем човек, патриот и долгогодишен борец за правата на Македонците со исламска вероисповед.
Според Пајкоски, Бојда целиот свој живот го посветил на заштитата и унапредувањето на правата на Македонците кои ја исповедаат исламската религија, оставајќи значаен придонес за заедницата.
Исмаил Бојда потекнува од селото Борје, во областа Гора во Косово, а живееше во Скопје со своето семејство. Погребот ќе се одржи утре во Скопје.
