На бугарско-српската граница запленети 1.500 килограми канабис

Бугарската погранична полиција денеска на границата со Србија заплени околу 1.500 килограми марихуана скриена во камион, соопшти шефот на царината Георги Костов. Канабисот бил скриен во камион што превезувал линолеум.

— реклама —

Бугарските власти трагаат по српскиот возач на камионот, кој успеал да побегне во шумата во близина на градот Сливница.

— реклама —

Неговиот идентитет е утврден и наскоро по него ќе биде издадена европска потерница, посочи Костов.

— реклама —

Тој додаде дека тоа е една од најголемите заплени на марихуана во Бугарија.

Крајната дестинација на канабисот била Турција.