Сеад Кочан преноќи во затворот Идризово. Од денеска започна да ја издржува затворската казна од 4 години и 8 месеци. Кочан доцна синоќа го однесоа во затвор полициските алфи по наредба на судот. Беше уапсен во приватна болница каде беше хоспитализиран. Утрото Кочан имал покачен крвен притисок. Бил прегледан во затворот. Добил инјекција. Од затворот Идризово посочија дека добил солидна соба. Сеад Кочан не го убеди судот дека неговото здравје е кревко и не дозволува да оди во затвор. Лекарските белешки на Кочан ги проверила и комисија од министерството за здравство.
Министерство за здравство:
„На барање на Кривичниот суд, ние инициравме и Комисија ја ревидираше медицинската документација на приватната болница за пациентот. Од стручниот увид во медицинската документација беше утврдено дека пациентот нема апсолутна индикација за болничко лекување“.
