„На Венко Заев му смета македонската дијаспора да гласа, Апасиев алчен за повеќе пари, затоа го блокираат Изборниот законик“, вели Манасиевски

Портпаролот на ВМРО-ДПМНЕ, Валентин Манасиевски, на денешната прес-конференција обвини дека СДС и Левица со повеќе од 10.000 амандмани го блокираат донесувањето на новиот Изборен законик, иако, како што рече, со месеци се работело на усогласување на текстот со сите политички партии.

— реклама —

Според Манасиевски, СДС се противи на воведувањето електронско гласање за македонската дијаспора, бидејќи, како што оцени, стравува од изборен пораз.

— реклама —

„СДС директно се спротивставува македонската дијаспора да гласа по електронски пат, со единствена цел да го намали убедливиот пораз што им следува на следните парламентарни избори“, изјави Манасиевски.

Во своето обраќање тој ја обвини и Левица дека, и покрај тоа што, според него, биле прифатени сите нивни барања при подготовката на Изборниот законик, сега го блокираат неговото донесување.

— реклама —

Манасиевски тврди дека барањата на Левица се однесувале на поголеми финансиски средства за финансирање на изборните кампањи, но и покрај тоа, партијата не дала поддршка за законското решение.

— реклама —

Од ВМРО-ДПМНЕ повторија дека остануваат отворени за разговор и ги повикаа СДС и Левица да ги повлечат поднесените амандмани и да предложат решенија за изборниот процес, со цел, како што велат, да се овозможи електронско гласање на дијаспората на следните претседателски избори и да се намалат трошоците за нивно организирање.