Изведбата на операта „Набуко“ од Џузепе Верди, која ќе се одржи на 31 мај со почеток во 20 часот, ќе биде посветена на неодамна трагично починатиот првенец на Националната опера и балет, баритонот Ристе Велков. Со оваа изведба ќе биде затворено 54. издание на фестивалот „Мајски оперски вечери“.
Од Националната опера и балет велат дека Ристе Велков оставил длабока и трајна трага во македонската оперска уметност преку својот моќен глас, сценско присуство и уметничка посветеност.
„Токму улогата на Набуко беше едно од неговите најзначајни и највпечатливи сценски остварувања на матичната сцена“, наведуваат од МОБ.
Во соопштението се додава дека неговото име и уметничко наследство ќе останат трајно врежани во историјата на македонската опера.
„Слава му“, напишаа од Националната опера и балет.
