Над 400 натпреварувачи од седум држави на 15. Меѓународен џиу-џица турнир „Скопје Опен 2026“ во Општина Илинден

Спортската сала „Гоце Делчев“ во Општина Илинден денеска е домаќин на 15. издание на Меѓународниот џиу-џица турнир „Скопје Опен 2026“, кој годинава бележи рекордна посетеност со над 400 натпреварувачи од 24 клубови и седум држави.

— реклама —

Турнирот, во организација на Македонската џиу-џица федерација, собра учесници од Македонија, Грција, Србија, Бугарија, Црна Гора, Република Српска и Словенија. Натпреварувачите, во различни возрасни категории и во машка и женска конкуренција, ги одмеруваат своите сили и ги покажуваат спортските вештини и подготвеноста.

— реклама —

— реклама —

На свеченото отворање присуствуваше градоначалникот на Општина Илинден, Александар Георгиевски, кој ги поздрави учесниците и официјално го означи почетокот на турнирот, нагласувајќи ја важноста на спортот за развојот на младите.

— реклама —

Општина Илинден продолжува да го поддржува спортот и да создава услови за одржување домашни и меѓународни натпревари, поттикнувајќи ги младите да се занимаваат со спорт.