Според вицепремиерот за економски прашања, Фатмир Битиќи, утре, на седница на Владата се очекува да бидат усвоени антикризните мерки.
Како што рече, со нив ќе бидат опфатени над 400.000 граѓани.
Одговарајќи на новинарско прашање колку компании ќе бидат блокирани поради неплаќање на солидарниот данок, Битиќи истакна дека според последните податоци тој број е мал и е под 20.
Додаде дека уште не се блокирани сите компании и секојдневно се менува бројот.
„Средствата ќе бидат искористени за антикризни мерки, кои очекуваме веќе утре да бидат на седница на Владата и се насочени кон најранливите категории граѓани, овде спаѓа најголемата група граѓани, а одреден надоместок наредните неколку месеци ќе добијат ученици, студенти, самохрани родители итн., буквално најранливите категории, опфатот ќе биде навистина голем. Над 400.000 граѓани ќе бидат опфатени со мерките и за тоа се користат средствата од солидарниот данок“, потенцира Битиќи.
